စိတ်အေးလက်အေး စာစီစာကုံး

လူအချင်းချင်း အလွန်မတန်လွယ်ကူစွာဆက်သွယ်နိုင်သော ခေတ်ကြီးတွင် ကျွန်တော်တို့ တစ်ယောက်နှင့်တစ်ယောက် ပို၍ ဝေးကွာသွားကြသည်။

မိုးရွာပြီးစ ညို့မှိုင်းစွတ်စိုလေထုအောက်တွင် စာကလေးတစ်အုပ် ဓါတ်ကြိုးတန်းများပေါ်တွင် စိတ်အေးလက်အေး။

စာကလေးများသည် ဖေ့ဘွတ်မသုံးတတ်သောကြောင့် လူများကဲ့သို့ ဓါတ်ကြိုးကိုကြောက်ရန်မလို။

စာကလေးများသည် ဥာဏ်မသုံးတတ်သောကြောင့် တစ်နေ့ ၈ နာရီ ဘ၀ကို ပိတ်လှောင်ရန်မလို။

ထို့ကြောင့် စာကလေးများသည် စိတ်အေးလက်အေး။

ညလယ်ခေါင်တွင် မိုးသည်ဖြုန်းကနဲရွာလေရာ စိတ်အေးလက်အေးမဟုတ်သော အိပ်စက်ခြင်းမှ ဆတ်ခနဲလန့်နိုးလေသည်။ လန့်နိုးသည်ပင် ခပ်ကောင်းကောင်း။ အိမ်မက်ထဲတွင် သူငယ်ချင်းအရင်းကြီးတစ်ယောက်မှ ပိုက်ဆံချေး၏… နောက်တစ်ယောက်က သူ့ညီမင်္ဂလာဆောင် လက်ဖွဲ့ကို Bank Account ထဲလွှဲပေးဟုဆိုသည်။ တကယ်တော့ ၂ယောက်စလုံးအခြေအနေက ကိုယ်မယှဉ်သာအောင် မြင့်သောသူတွေ။ အိမ်မက်သည် စိုးရိမ်ပူပန်ခြင်းများကို အသွင်ပြောင်း၍ ကပေါက်တိကပေါက်ချာပင် စိတ်မအေးလက်မအေး မက်လေသည်။

တီဗွီမှ အလကားရသောလိုင်းများသည် စိတ်ကို အကြားအလပ်မရှိဖျော်ဖြေမှုပေးရန် အစီအစဉ်များ တစ်ခုပြီး တစ်ခု လွှင့်လေသည်။ ဦးနှောက်ကား စဉ်းစားရန်အချိန်မရှိ။ ပြသမျှကြည့်၍ မြင်သမျှမှတ်ရန်သာ။

စာအုပ်တစ်အုပ် ကော်ဖီတစ်ခွက်နှင့် စဉ်းစားတွေဝေငေးမောခွင့်အတွက် ပေးလိုက်ရမည့်အချိန်တို့သည် ယနေ့ခေတ်တွင် ပိုတန်ဖိုးကြီးသွားခဲ့သည်။

ဥာဏ်ကောင်းသောလူသည် ကြောင့်ကြခေတ်သိမ်းကင်းငြိမ်းသောဘ၀ကို ဖန်တီးသောကြောင့် အချိန်နှင့်အမျှပြေးလွှားနေရပါသည် ….. ဥာဏ်ကောင်းသောကြောင့် ခြေထောက်သုံးရန်မလို … ကားများ ရထားများ လေယဉ်များကို စီး၍ ပြေးလွှားနေရသည်။ အိမ်မှာထိုင်နေ၍ စိတ်ကို အချိန်နှင့်အမျှပြေးလွှားခိုင်းထားသည်။ ခလုပ်တစ်ချက်ချင်းစီ နှိပ်၍နှိပ်၍ ဥာဏ်ကောင်းသောလူကလေးများကို ပြေးလွှားခိုင်းသူများလည်ှးရှိသည်။

ခလုပ်နှိပ်သူများ စိတ်အေးလက်အေးရှိပါလေစွ။ ကမ္ဘာတစ်ဖက်ခြမ်းမှ လိပ်ပြာကလေးတောင်ပံခတ်သည်မှာမူ သူ့သဘာဝဖြစ်၍ စိတ်အေးလက်အေး ဖြစ်နေပါလိမ့်မည်။

What I Have Learned Today : Synchronizing with picture in Excel 2010

MS Office Application တွေဖြစ်တဲ့ Word တို့ Excel တို့မှာ picture အနေနဲ့ copy paste လုပ်လို့ရတာလေးက တော်တော်အသုံးဝင်ပါတယ်။ ကိုယ်ကော်ပီကူးချင်တဲ့ နေရာလေးကို copy လုပ် ပီးရင် Right click နှိပ် Other Pase Option အောက်မှာ picture ပုံလေးနဲ့ Paste as picture ဆိုရင် ရပါပြီ။ Office 2007 မှာဆိုရင်တော့ Home tab အောက်က Clipboard group ပေါ်က Paste အောက်မှာမှ ရှိပါတယ်။ ဒါက လူတိုင်းသိပီးသားလို့ထင်ပါတယ်။

ကိုယ့်အတွက် ပိုအသုံးဝင်အဆင်ပြေစေတဲ့အပိုင်းလေးက ခုမှလာတာပါ။ မူရင်းနေရာမှာ ပြင်ဆင်သမျှဟာ အဲဒီကော်ပီကူးပီးသား picture ပုံလေးမှာပါ လိုက်ပြောင်းအောင်လုပ်ဖို့ပါ။ Excel 2010 မှာပဲရပါတယ်။ 2007 version မှာ စမ်းကြည့်တာ မရပါဘူး။

အောက်က ဥပမာမှာ ကြည့်ကြည့်ပါ။ ပုံ(၁)က မူရင်းဒေတာ … ပုံ(၂)က ပုံ(၁)ကို picture file အနေနဲ့ ကော်ပီကူးလိုက်တာ။ 

ပုံ(၁) မူရင်းဒေတာမှာ ပြောင်းလဲသမျှ ပုံ(၂)မှာပါ လိုက်ပြောင်းအောင် လုပ်ချင်တယ်ဆိုရင် ပုံ(၂)မှာ ကလစ်ထောက် … ပြီးရင် Formula bar မှာ = ရိုက်ပြီး မူရင်းဒေတာ ရှိတဲ့ cell အားလုံးကို ရွေးလိုက်ရင် =A1:E6 လို့ bar မှာပြပါမယ်။ 

ကဲ မူရင်းဒေတာ ရှိတဲ့cell တွေမှာ ပြောင်းချင်သလိုပြောင်းပေတော့ …. အပ်ချလောင်း Picture file မှာပါ လိုက်ပြောင်းသွားပါပြီ။ သူ့ရဲ့သဘောက A1:E6 Range အတွင်းမှာ ဘာလုပ်လုပ် ဟိုဖက်ပုံမှာ လိုက်ပြောင်းတာပါ။

ဘယ်လိုနေရာတွေမှာ အသုံးဝင်လဲဆိုရင် source data ကို တစ်နေရာမှာထားပီး picture table ကို တစ်ခြားတစ်နေရာမှာ ပြတာမျိုးအတွက်အဆင်ပြေပါတယ်။ ကျန်တဲ့ user တွေက data ကို မှားနှိပ်မိလို့ဖြစ်ဖြစ် အလွယ်တကူ ပျောက်တာ ပျက်တာ မဖြစ်တော့ဘူးပေါ့။  ကိုယ့်ရှေ့က ဆရာသမားလုပ်သွားတဲ့ dashboard တစ်ခုမှာတွေ့လို့ လိုက်စမ်းကြည့်ရင်း သိလာတာပါ။ အွန်လိုင်းမှာလဲ သူများတကာ ရှဲထားတာရှိမှာပါ။ 

တကယ်ဆို ဒီဟာ စမ်းပြီးသိထားတာ နည်းနည်းကြာပြီ။ ချရေးဖို့ စိတ်လိုလက်ရ မရှိသေးတာနဲ့ မရေးဖြစ်တာ :)

အခုတော့ စိတ်ချမ်းသာ ကိုယ်ချမ်းသာရှိလို့ ရေးလိုက်ပါတယ်။